Се чини дека ниту земјотресот во Босна и Херцеговина не може да помине без навреди и политички изјави.
Европско-медитеранскиот сеизмолошки центар (EMSC) на Твитер објави дека блокирал бројни корисници од синоќа по земјотресот во Босна и Херцеговина поради навредливи изјави, политички навреди и лажни предвидувања за земјотресот.
„Последниве неколку часа повторно блокиравме многу профили. Повторуваме: Не користете ја апликацијата за тврдења за предвидување земјотрес бидејќи такво нешто е невозможно, не пишувајте политички и навредливи коментари или ќе бидете блокирани. Ви благодариме“, напиша на Твитер.
We have again blocked a number of accounts in the last few hours. We repeat our policy: do not associate @Lastquake and use its visibility to claim earthquake prediction as it does not exist, do not make political or offensive statements or you will be blocked. Thank you
— EMSC (@LastQuake) April 23, 2022
Вечерва ги предупредија шарлатаните кои тврдат дека можат да предвидат земјотрес.
„Веројатно ќе слушнете (ако не веќе) некои луѓе како објаснуваат дека тие го предвиделе овој земјотрес. Останете подалеку од нив, тие се или шарлатани или се глупираат за дополнително да ја подигнат вознемиреноста кај населението. За жал, науката сè уште не може да предвиди земјотреси“, предупредија тие. .
Another point: You're likely to hear (if not already the case) some people explaining they'd predicted this earthquake. Stay away from them, they are either charlatans or playing to further rise anxiety among population. Unfortunately, science is still unable to predict quakes
— EMSC (@LastQuake) April 22, 2022