Турската авиокомпанија „Туркиш ерлајнс“ објави дека ќе го продолжи откажувањето на своите летови до и од Украина до 31 јули, објави турскиот телевизиски канал CNN-Turk, повикувајќи се на соопштение на авиокомпанијата.
Туркиш ерлајнс ги откажа летовите за Украина на 24-ти февруари откако земјата го затвори својот воздушен простор за цивилни летови по руската инвазија. Оттогаш турската национална авиокомпанија постојано го продолжува откажувањето на летовите за Украина.