Полското државно обвинителство во градот Остролека, северно од Варшава, почна истрага за колење и дистрибуција на болни говеда во локална кланица, по телевизиски извештај на новинар кој се вработил таму, јави МИА.
Откако бил известен за случајот, европскиот комесар за здравје и прехранбена безбедност Витенис Андриукаитис најави инспекција во кланицата и ги повика полските власти да обезбедат почитување на европските прописи од таа област, затоа што Полска е голем извозник на месо во Европа.