Претседателот на ДУИ, Али Ахмети приреди проштален ручек за американскиот амбасадор во Македонија Џес Бејли, кој од должност заминува во почетокот на месец март годинава.
Ахмети и Бејли направија ретроспектива на четиригодишната соработка и на постигнувањата на земјата во овој период. Тие разменија мислења околу ДУИ и перспективите во наредните две децении, членството во НАТО и ЕУ, реформите, претседателските избори, како и за дијалогот помеѓу Косово и Србија.
Ахмети изрази благодарност до Бејли и неговата подржувачка улога за излез од кризата и чекорењето кон евроатлантската интеграција и истакна дека кога и да се врати за да ја посети Македонија, амбасадорот Бејли ќе најде конак во неговиот дом и неговото семејство.