Полицијата трага по вооружен маж кој влегол во паб во Мерсисајд на Бадник и почнал да пука во присутните. Во нападот е убиена 26-годишна жена, а четворица мажи завршиле во болница поради рани од куршуми, а еден е во критична состојба, пишува Би-Би-Си.
Од полицијата додаваат дека се повредени уште неколку лица. Дваесет и шестгодишната жена била застрелана во главата и била пренесена во болница каде била констатирана смрт. Инцидентот се случил во кафулето „Лајтхаус“ во селото Валасеј околу 23.50 часот во саботата. Напаѓачот побегнал од местото на злосторството со возило со темна боја.
„Слушнав истрел, но мислев дека е божиќен огномет“
„Полицијата спроведува опсежна истрага во селото Валаси за да разбере што точно се случило и да ги преземе неопходните дејствија“, рече наредникот Дејвид МекКорин. Локалната жителка Џени Хаф (77) рече дека слушнала пукање, но мислела дека тоа е божиќен огномет.
„Некој провалил во градината на сестра ми. Претпоставуваме дека луѓето сакале што побрзо да излезат од пабот и се качиле преку ѕидот во градината за да избегаат“, рече таа.