Украинскиот претседател Володимир Зеленски денеска изјави дека ситуацијата на фронтот во регионот на Доњецк е „тешка и болна“ и бара таа да биде исполнета со сета „сила и концентрација“ на државата.
„Пред сè, за ситуацијата на фронтот. Бахмут, Кремењаја и другите области во Донбас бараат максимална сила и концентрација“, рече Зеленски во своето секојдневно видео обраќање.
„Ситуацијата таму е тешка и болна. Окупаторите ги распоредуваат сите ресурси со кои располагаат и имаат значителни ресурси на располагање за да постигнат одреден напредок“, рече украинскиот претседател.
Зеленски додаде дека прекините на струја продолжуваат, а речиси 9 милиони луѓе во Украина во моментов се без струја.
Украинскиот министер за енергетика Херман Халушченко предупреди дека Русија би можела да употреби ракети, вклучително и крстосувачки ракети, за напад од големи размери на новогодишната ноќ.
„Русите не се откажаа од нападите врз нашата енергетска мрежа“, изјави министерот за украинската телевизија, додавајќи: „И сè додека извршуваат напади на одредени датуми, Новата година може да биде еден од оние датуми кога ќе се обидат да оштетат нашата енергетска мрежа“.
Во моментов се работи за брзо обновување на електричната мрежа на Украина за да им се овозможи на Украинците мирно да ја дочекаат Новата година, но тоа ќе биде можно само ако не следат дополнителни руски воздушни напади, рече министерот.