Во војната во Украина потврдени се речиси 18.000 случаи на убиени или ранети цивили, соопшти доцна синоќа високиот комесаријат за човекови права на ОН.
Високата комисија нагласи дека реалниот број на убиени и ранети цивили е поголем, но дека собирањето веродостојни податоци од областите низ кои минувала линијата на фронтот е тешко.
Од 24 февруари, кога руските сили ја нападнаа Украина, до 26 декември се регистрирани 6.884 случаи на цивилни жртви и 10.947 повредени цивили.
Меѓу убиените има 429 деца, се вели во соопштението на високиот комесар.