Во Лесновскиот манастир денеска се чествува Свети Гаврил Светогорец Епископ Велички.
Архиерејската литургија ја сослужуваа поглаварот на МПЦ – ОА, господин господин Стефан и рускиот митрополит Антони, директор на Одделот за меѓународни односи на Руската православна црква и викар на патријархот Кирил.
На празникот манастирот прибра голем број гости од Пробиштип, Виница, но и целиот источен регион, кои и онака редовно доаѓаат во овој манастир.
Манастирот Свети Гаврил Лесновски е манастир во пробиштипското село Лесново и главната црква е посветена на архангелите Михаил и Гаврил.
Манастирот Свети Гаврил Лесновски се смета за еден од најзначајните и најубавите средновековни и сакрални споменици на културата, не само во Македонија туку и пошироко.