438 деца загинаа, а над 840 се повредени во првите 11 месеци од војната во Украина, соопшти УНИЦЕФ.
Децата и младите во Украина не треба да станат изгубена генерација, ја повика светската заедница Фондот за деца на Обединетите нации.
Расфрлани неексплодирани убојни средства и нагазни мини ги ставаат децата во дополнителен ризик, предупреди организацијата.
Речиси 3,3 милиони деца и млади во Украина имаат потреба од итна хуманитарна помош, а околу 16 милиони луѓе немаат пристап до чиста вода и канализација.