Генералниот секретар на НАТО, Јенс Столтенберг, на безбедносната конференција во Минхен за Си-Ен-Ен изјави дека никој не знае кога ќе заврши војната во Украина, но дека нема знаци дека рускиот претседател Владимир Путин ги променил своите амбиции.
„Го гледаме спротивното. Путин не планира мир, тој планира уште војна“, рече Столтенберг.
„Русите веќе започнуваат офанзивни операции во Бахмут“
Столтенберг, посочувајќи на борбите во Бахмут на истокот на Украина, рече дека Русите веќе започнуваат офанзивни операции.
„Тешко е да се каже дали тоа е голема офанзива или тоа е само еден вид увертира за голема офанзива. Но, таму пристигнуваат се повеќе руски војници и оружје. Русија се обидува да ја надомести лошата опрема и логистика со повеќе војници. Тоа е како фрлање бранови од луѓе на одбранбените линии.линија, тип на борба што не е виден уште од Првата светска војна.
Ако не се грижите толку за животите на луѓето, тогаш само фрлате се повеќе и повеќе од нив во борба. Ако сакаме Украина да надвладее како суверена нација и ако сакаме мирно решение утре, тогаш треба да и дадеме воена поддршка денес. Ефективноста на преговорите зависи од силата на бојното поле“, изјави шефот на НАТО за Си-Ен-Ен.