Антикорупциска отвори постапки за судир на интереси за неколку граданочалници. Меѓу нив е и градоначалникот на Бутел Велимир Смилевски, кој во исто време е член на Управниот одбор на Градски трговски центар. Првиот човек на Ресен, пак, Живко Гошаревски е член на УО на ЈП „Студенчица“ во Кичево.
-Утврдена е листа на лица кои извршуваат две или повеќе функции во исто време. Живко Гошаревски, градоначалник на општина Ресен и истовремено член на Управен Одбор на ЈП Студенчица од Кичево. Велимир Смилевски, градоначалник на Општина Бутел и член на Управен одбор на ГТЦ АД, изјави Билјана Ивановска, претседателка на ДКСК.
Покрај двајцата градоначалници, Антикорупциска отвори постапки и за плус 16 лица кои извршуваат двојни функции.
Комисијата најави дека ќе следи проверка на имотната состојба на сите актуелни и поранешни министри, доктори, пратеници, директори и заменици на јавни и државни претпријатија.