Бројот на загинати во земјотресот во Турција се зголеми на 44.374.
Надлежните тимови поставија близу 335.000 шатори испратени од министерства и надлежни институции, како и други земји и меѓународни организации во зоната на земјотресот.
Во Турција се уапсени речиси 200 лица под сомнение за лоша изградба на згради кои се урнаа во катастрофалните земјотреси на 6 февруари, во кои загинаа повеќе од 44.000 луѓе, соопшти турското Министерство за правда, пренесе Си-Ен-Ен.
Во соопштението се наведува дека 626 лица се осомничени за непочитување на прописите при изградба. Утврдено е дека некои од осомничените загинале во земјотресот, а полицијата трага по многу други.