Ниту еден од случајните минувачи кои ги анкетиравме не се изјасни дека би сакал да му дојдат на врата политички активисти да му ја дообјаснат програмата, за која и онака се информираат од медиумите. За нив тоа е вознемирување, непотребно одземање време, бидејќи тие веќе имаат изграден став дали и за кого би гласале.
Ова се изјавите од граѓаните кои ги анкетиравме:
-Сметаат, ѕрн, ѕрн на врата што е тоа, ако има избори нека има, не вака.
-Само ќе стропаат ќе ти подададат тоа што имаат и ќе си одам. Што ви даваат најчесто. 100 грама кафе.
-Подобро да не доаѓаат , оти знаеме што треба да направиме.
-Едно моливче ни даваат да има со што да гласаме.
-Да не замараат. Јасно ни е се нема потреба пред избори некој да ме убедува на врата.
-Досадни се.
-А што треба да ми објаснува кога се се гледа се се знае. Македонија на кого останува? На старци? Отидоа младите.
-Претходните нудеа пенкалце и запалка, а парите за нив.
Кафе, шеќер, зејтин, локум и што ли уште не како подарок на гласачите пред избори. Ова Бојан Кордалов специјалист по ПР и современи медиуми го објаснува како дел од македонскиот менталитет кога се оди некаде да не се оди со празни раце.
РЕПОРТЕРКА: АЛЕКСАНДРА ВЕЛИНОВА