Независниот пратеник Скендер Реџепи Зејди денеска пред почетокот на седницата за уставни прашања во одговор за медиумите истакна дека нема теоретска можност уставните измени да поминат.
Тој го коментираше и барањето за бришење на „20%“ од Уставот, кои се однесуваат на албанскиот јазик, што според него не се прави ниту на улица, ниту на прес-конференции.
„Доколку има подготвеност кај пратениците Албанци, може да се постави и ова барање. Но, потребни се 30 пратеници, популистичка политика не треба да се прави на улица или со прес-конференции, туку мора да се потпише барање со 30 пратеници, имаме 30 пратеници Албанци. Дали ќе помине, сепак не, затоа што не поминуваат ниту други уставни амандмани“, рече Реџепи.