Гасоводот што ги поврзува Финска и Естонија беше исклучен во неделата по невообичаен пад на притисокот, веројатно предизвикан од истекување на гас, објавија операторите, финскиот Гасгрид и естонскиот Елеринг.
Гасгрид најави дека се уште не е позната причината, а испораките на гас засега се стабилни.
„Воопшто не сакам да шпекулирам за причината за протекувањето“, изјави извршната директорка Јане Гронлунд за Ројтерс. Тој додаде дека гасоводот е изолиран за да се спречи натамошно истекување.
Гасоводот Balticconnector долг 77 километри меѓу Инга во Финска и Палдиски во Естонија го преминува Финскиот залив, крак на Балтичкото Море што се протега на исток во руските води и завршува во пристаништето Санкт Петербург.
Минатата година гасоводите „Северен тек“ што ги поврзуваат Русија и Германија беа оштетени во експлозии, а истрагата покажа дека се работи за намерна саботажа.
Падот на притисокот во неделата го забележаа финскиот Гасгрид и естонскиот Елеринг непосредно пред 2 часот по полноќ по локално време, објави финската компанија.
Елеринг најави дека потрошувачите во Естонија ќе добиваат гас од соседна Латвија.