Вистинска драма попладнево се случи во македонското Собраие. Пратеникот Борислав Крмов од редовите на Левица скрши екран на местото каде што седи прецедавачот на седницата, во случајов Горан Мисовски.
Неговите поплаки беа, бидејќи амандманите на Левица не биле заведени од страна на собраниските служби.
„Исти се како претходните 1800 кои беа прифатени. Инаку како што гледате тука тие се оригинали. Мора да ја прекинете седница“, видно нервозно Крмов се обраќа кон потпретседателот на Собранието.
На крајот од инцидентот во салата влетува и претседателот на Собранието Талат Џафери.
Пратениците со 87 гласа за и 3 против го усвоија дневниот ред во Собранието.
Амандманите се однесуваат на измените на собранискиот Деловник.
Пратениците побараа седницата да биде прекината додека нивните амандмани не бидат разгледани. По ова, Мисовски беше принуден да даде половина час пауза.