Најмалку 20 работници паднаа во ледената вода кога контејнерскиот брод Дали под знаме на Сингапур удри во мостот Френсис Скот Ки во Балтимор, изјави за Би-Би-Си Кевин Картрајт од противпожарната служба во Балтимор.
Во моментот на ударот на мостот имало автомобили кои по уривањето на мостот завршиле во реката, пишува Index.hr. Спасувачите сега се загрижени поради екстремно ниските температури.
Како што претходно беше соопштено, Дали тргнал од терминалот во Порт Бриз околу 00:45 часот. Тој патувал кон мостот Френсис Скот Ки, но застанал на мостот 45 минути подоцна.
Бродот Дали е долг 300 метри и бил на пат кон Коломбо, Шри Ланка.
The Francis Scott Key Bridge in Baltimore, Maryland which crosses the Patapsco River has reportedly Collapsed within the last few minutes after being Struck by a Large Container Ship; a Mass Casualty Incident has been Declared with over a Dozen Cars and many Individuals said to… pic.twitter.com/SsPMU8Mjph
— OSINTdefender (@sentdefender) March 26, 2024
Во моментов нема официјални извештаи за жртви, а американската крајбрежна стража и други државни агенции на Мериленд се приклучија на спасувачката операција.
„Свесен сум за ситуацијата на мостот Ки и останувам во редовна комуникација со шефот на противпожарната служба и менаџерот за итни операции. Спасувачките напори се во тек. Ве молиме молете се за погодените“, рече извршниот директор на округот Балтимор, Џони Олшевски.
Бродот удрил во еден од потпорните столбови на мостот, при што неговата метална конструкција се урнала, а бродот се запалил и потонал, јавува Асошиетед прес.