Осум лица, од кои седум мигранти, загинаа во сообраќајна несреќа во вторник во вторник во зори во Албанија при обид да и побегнат на полицијата, се вели во соопштението на полицијата.
Возачот на возилото, Албанец, изгубил контрола кај Пермет, на неколку километри од границата со Грција, а автомобилот паднал во реката Вјоса, соопшти полицијата.
Според првите извештаи од истрагата, албанската полициска патрола сакала да го контролира возилото, но возачот забрзал и побегнал.
Мигрантите со потекло од Блискиот Исток ја преминале границата меѓу Грција и Албанија, веројатно за да отпатуваат во Црна Гора, а потоа во други европски земји.
Албанија се наоѓа на т.н балканската рута. Речиси 100.000 луѓе ја користеле оваа рута помеѓу јануари и октомври 2023 година, според европската гранична агенција Фронтекс.