Руските сили за воздушна одбрана синоќа соборија 25 ракети „Вампир“ над Белгородската област, соопшти Министерството за одбрана на Русија.
Претходно, гувернерот на Белгородската област, Вјачеслав Гладков, изјави дека над Белгород и неговите предградија се активирани системи за противвоздушна одбрана.
Во гранатирањето е повредена една жена, пренесува Интерфакс.
Оштетени се прозорци и покриви на згради, како и неколку автомобили.
Белгород, град на западот на Русија, долж границата со Украина, во последните денови беше цел на интензивно украинско гранатирање.