Поранешниот словачки премиер Едуард Хегер ја повтори својата осуда за нападот врз Фицо, велејќи дека „нема место за насилство во едно демократско општество“.
„Последните информации сугерираат дека осомничениот за пукањето е радикализиран од движење во Словачка. Тоа го гледаме во Словачка. Има многу голема поларизација, но таа не е присутна само во Словачка, таа е присутна и во други земји. Ова дефинитивно не е добра ситуација за каква било политичка дискусија во која било земја“, изјави Хегер за Sky News.
Запрашан дали Роберт Фицо го смета за предизвик за демократијата во неговата земја, Хегер вели дека фокусот треба да биде на здравјето на премиерот додека е во болница и на безбедноста на граѓаните и политичарите во Словачка.