Еден патник починал откако му се слошило на летот од Бугарија до Ливерпул. Поради тоа, авионот принудно слетал во Келн.
Летот на „Џет2“ LS3214 тргна од Бугарија и се упати кон Британија нешто околу 13 часот во понеделникот, соопштено е денес. Околу два часа по летот, екипажот прогласи вонредна состојба поради здравствената состојба на човекот во авионот.
Пилотот побарал пренасочување и „боингот 737-800“ принудно слетал во Германија по, како што пишува „Дејли мејл“, брзо спуштање.
Мажот наводно доживеал акутен срцев удар и покрај напорите на екипажот, патникот починал.
Авионот застанал во оддалечен дел од аеродромот во Келн и на местото на настанот дошла брза помош.
