Иран утринава соопшти дека неговиот ракетен напад врз Израел – најголемиот досега воен напад врз еврејската држава – е завршен доколку нема дополнителни провокации. Израел и САД веќе најавија дека ќе му се одмаздат на Техеран.
„Нашата акција заврши доколку израелскиот режим не одлучи дополнително да се одмазди. Во тоа сценарио, нашиот одговор ќе биде посилен и посилен“, рече иранскиот министер за надворешни работи Абас Аракчи во објавата на X.
Earlier this evening, we exercised self-defense under Article 51 of the UN Charter, targeting solely military & security sites in charge of genocide in #Gaza and #Lebanon.
We did so after exercising tremendous restraint for almost two months, to give space for a ceasefire in… pic.twitter.com/SJJrAhxIdN
— Seyed Abbas Araghchi (@araghchi) October 1, 2024
Во изјава за државните медиуми, Генералштабот на иранските вооружени сили рече дека секој одговор на Израел ќе биде дочекан со „големо уништување“ на неговата инфраструктура. Исто така, рече дека ќе ги таргетира регионалните цели на секој израелски сојузник што ќе се вклучи.
Тоа беше уште една ноќ на тешки израелски воздушни напади врз Бејрут. Целта повторно беше Дахиех, базата на Хезболах во јужните предградија на градот.
Израелската војска издаде неколку наредби за евакуација велејќи дека ќе ги погоди зградите поврзани со исламистичката група. Некои предупредувања дојдоа среде ноќ.
Во јужен Либан, друга област со силно присуство на Хезболах, обемот на израелската копнена инвазија сè уште е непознат. Израел го опиша упадот како „ограничена и насочена операција“.
Американскиот портал Аксиос, добро поврзан со израелски и американски безбедносни извори, објави дека Израел ќе започне „значајна одмазда“ против Иран за вчерашниот напад со балистички проектили. Според Аксиос, цел може да бидат иранските капацитети за производство на нафта.