Американските власти во вторникот ги засилија повиците до жителите на Флорида да се евакуираат пред пристигнувањето на Милтон, „исклучително опасен“ ураган што се очекува да го погоди американското тло меѓу среда и четврток, и кој може да биде „најлошата бура“ што го има погодено полуостровот во последните сто години.
„Цела Флорида е под некаков вид на надзор или тревога“, изјави во вторникот гувернерот Рон ДеСантис.
Police in Gulfport, Florida are driving around playing a recording that tells people to evacuate ahead of Hurricane Milton.
All the debris you see is still here from Hurricane Helene. pic.twitter.com/LJje6B0Tgh— Brian Entin (@BrianEntin) October 8, 2024
„Милтон може да биде најлошата бура на Флорида во последните сто години. Мора веднаш да се евакуирате, тоа е прашање на живот и смрт“, изјави американскиот претседател Џо Бајден.
Како што објави Њујорк Тајмс, Флорида е во состојба на општ хаос.
Десетици илјади луѓе ги блокираа патиштата обидувајќи се да се евакуираат и заглавија во сообраќајниот метеж.
If you live in Florida and haven’t been paying attention to the news, Hurricane Milton has been upgraded to a category 5 and “has the potential to be one of the most destructive hurricanes on record”.
You need to evacuate. pic.twitter.com/ZwNvTscaln
— Possum Reviews (@ReviewsPossum) October 8, 2024
Застрашувачката бура, чија моќност за момент падна, во вторникот попладне се врати во категоријата 5, со ветрови од 265 километри на час.
Гувернерот Рон ДеСантис во вторникот изјави дека Флорида подготвила десетици засолништа надвор од зоните за евакуација за да им помогне на жителите. Долги редици на бензинските пумпи се формираа низ Јужна Флорида, бидејќи некои станици почнаа да остануваат без гориво.
Ова е една од најголемите, ако не и најголемата евакуација во историјата на земјата, пишуваат американските медиуми.
Во меѓувреме, Белата куќа го откажа планираното патување на Бајден во Германија и Ангола за да ги надгледува тековните подготовки за пристигнувањето на ураганот Милтон.