Во тек е конститутивната седница на Советот за безбедност, свикана од претседателката Гордана Сиљановска Давкова.
Членови на Советот се: претседателот на Собранието Африм Гаши, премиерот Христијан Мицкоски, министрите Панче Тошковски (внатрешни работи), Владо Мисајловски (одбрана) и Тимчо Муцунски (надворешни работи), како и експертите Џевдет Хајредини, Малинка Ристевска Јорданова и Владимир Спиридонов.
На седницата присуствуваат и генерал-мајор Сашко Лафчиски (началник на Генералштабот), Габриела Јаковлева (директорка на Агенцијата за разузнавање) и Бојан Христовски (директор на Агенцијата за национална безбедност).
Советот е највисокото советодавно тело во Северна Македонија, кое се фокусира на безбедноста и одбраната. Седниците се затворени, освен ако претседателот не одлучи поинаку.