Популарната плажа во Плаја де Палма, Мајорка, беше евакуирана од спасувачите откако добија пријава за напад од ајкула околу 11:30 часот. Италијанката, 85, беше видена во паника кога излегуваше од водата, со крв видлива од ногата, објавува „Мирор“.
Полицијата соопшти дека дел од нејзината кожа бил откинат, но не било оштетено мускулното ткиво. Таа веднаш била лекувана и однесена во приватна клиника во Палма. На туристите им било наредено веднаш да излезат од водата, а спасувачите издале предупредување преку звучникот.
- Пливањето е забрането во областа поради напад од ајкула, напад од ајкула, рекоа тие на англиски јазик.
На пливачите им беше дозволено да се вратат во водата околу еден час по инцидентот, а спасувачите не пронајдоа никакви знаци на ајкула, ража или нешто друго што можело да ги предизвика повредите на жената по патролата.
Некои експерти за морскиот биодиверзитет веруваат дека сината риба е причина, додека други веруваат дека за нападот се виновни рибите-тригери, познати и како балистидни риби, кои се склони кон агресивни напади врз риби, вклучително и луѓе кои нуркаат и пливаат. Иако сините ајкули ретко напаѓаат луѓе, тие се поврзани со неколку инциденти со каснување. Ваквите извештаи доведоа до привремено затворање на плажите на Коста дел Сол и Коста Бланка во последниве години.