По силниот ветер кој попладнево го зафати главниот град, регистрирани се повеќе инциденти на територијата на градот.
Целата фасада на објектот „Беко“ е откорната, а во Радишани кон Бутел паднала бандера. Дополнително, дрво паднало во Кисела Вода, а на ул. „Михаил Чаков“, кај основното училиште „Невена Георгиева – Дуња“.
Во општина Аеродром исто така има штети, паднато дрво, искршено возило.
Градоначалникот на општина Аеродром, Дејан Митески вели сериозна е ситуацијата со паднатите дрвја и дека е попречен сообраќајот.
Од надлежните се апелира до граѓаните да бидат внимателни при движење и да избегнуваат ризични локации додека траат силните ветрови.