Околу 622 лица загинаа, а повеќе од 1.500 беа повредени во земјотрес со јачина од 6,0 степени што го погоди источен Авганистан синоќа, соопштија властите денес, додека хеликоптери ги превезуваа ранетите на безбедно од урнатините и бараа преживеани.
Катастрофата дополнително ќе ја оптовари јужноазиската земја, која веќе се соочува со хуманитарни кризи, од нагло намалување на странската помош до присилно враќање на голем број нејзини граѓани од соседните земји.
Земјотресот со јачина од 6 степени повреди повеќе од 1.500 лица, а уби 622, соопшти Министерството за внатрешни работи на Авганистан, управувано од Талибанците. Претходно, државната телевизија РТА објави дека околу 500 лица загинале.
Во главниот град Кабул, здравствените власти соопштија дека спасувачите се обидуваат да стигнат до оддалечените села расфрлани низ област со долга историја на земјотреси и поплави.
Во меѓувреме, беше објавена снимка од надзорна камера од разорниот земјотрес.
Силното тресење е снимено од надзорна камера во покраината Кунар, која беше силно погодена од земјотресот.
CCTV footage captures the intensity of a 6.0-magnitude earthquake in Kunar, Afghanistan. https://t.co/w10EfP742l pic.twitter.com/C29P6K4jB0
— Eagle Eye (@zarrar_11PK) September 1, 2025
Објавено е уште едно видео од Авганистан, за кое не е прецизирано каде точно е снимено.
CCTV footage shows the moment a magnitude 6.0 earthquake struck eastern Afghanistan. At least 600 people were killed and 1,500 injured, according to the Taliban government. pic.twitter.com/4BuJ5p6DUF
— Al Arabiya English (@AlArabiya_Eng) September 1, 2025