Руски дрон погоди станбена зграда во Полска, објавија локалните медиуми

Руски дрон погоди станбена зграда во регионот Лублин, според локалните медиуми.

Полските медиуми известуваат дека покривот и паркингот на зградата се оштетени, но никој не е повреден.

Повикувајќи се на локален полициски инспектор, медиумите велат: „Остатоци од руски дрон паднаа врз станбена куќа во градот Вирики Вола“.

Исто така, го цитира локалниот градоначалник Мариуш Занко кој вели: „Луѓето ја слушнаа експлозијата, а видоа и полски борбени авиони. Ситуацијата е доста тешка и загрижувачка, навистина постои голема загриженост кај жителите“.

Регионот Лублин, на истокот на Полска, се граничи и со Белорусија и со Украина.