Во албанскиот парламент вчера избувнал хаос кога пратениците од опозицијата запалилр ракети и фрлале вода за време на седницата, а сето тоа поради спор околу корупцијата во владата, објави „Телеграф“.
Драматични сцени од Тирана покажуваат како чад се извива низ салата додека пратениците се туркаат, а обезбедувањето се обидува да воспостави ред. Инцидентот е кулминација на неколкунеделни тензии во кои опозицијата ја обвинува владејачката партија дека ги игнорира барањата за истрага за корупциските скандали што ја потресуваат земјата.
BREAKING | FLARES IN PARLIAMENT: ALBANIA’S DEMOCRACY COLLAPSES LIVE ON CAMERA
— Slavic Networks (@SlavicNetworks) December 18, 2025
What you are seeing is not a protest.
It is not “political theatre.”
It is a full institutional breakdown.
Inside the Albanian Parliament, opposition MPs ignited flares, physically blocked… pic.twitter.com/OQvVXgGP1d
Корупцијата е едно од клучните политички и социјални прашања во Албанија со години, а меѓународните институции и организации редовно предупредуваат на проблеми во судството, јавната администрација и системот за јавни набавки. И покрај реформите што се формално започнати, особено во судството со поддршка на Европската Унија и САД, перцепцијата за широко распространета корупција останува силна кај јавноста.
Случаите во кои се вклучени високи државни функционери, градоначалници и лица блиски до владејачките структури привлекуваат посебно внимание, што дополнително ја поткопува довербата на граѓаните во институциите и политичкиот систем.
Албанската опозиција го користи прашањето за корупцијата како главна точка на критика кон владата на премиерот Еди Рама, обвинувајќи ја за заробување на институциите и селективна примена на законите. Опозициските партии и движења постојано организираат протести, тврдејќи дека антикорупциските мерки се спроведуваат недоследно и дека се користат за политички пресметки, а не за вистинско чистење на системот.
Тие, исто така, предупредуваат за злоупотребата на државните ресурси, притисокот врз медиумите и недостатокот на транспарентност, нагласувајќи дека без вистинска борба против корупцијата, Албанија тешко може да напредува кон полноправно членство во Европската Унија.