Грчките медиуми пренесуваат дека за време на претстојната празнична сезона нема да има блокади низ Грција, со цел да им се овозможи на граѓаните и туристите непречено патување.
Според информациите објавени од „Grckainfo.com“, земјоделците донеле одлука привремено да ги прекинат секојдневните протести и блокади. Патиштата и граничните премини ќе останат целосно отворени во два клучни празнични периоди:
- Прв период: Од вторник, 23 декември, до недела, 28 декември.
- Втор период: Од вторник, 30 декември, до недела, 4 јануари 2026 година.
Оваа одлука доаѓа како олеснување за сите оние кои планираат да ги поминат новогодишните и божиќните празници во соседна Грција, со оглед на претходните најави за можни застои на патната инфраструктура.