Снегот, ледениот дожд и екстремно ниските температури предизвикаа вистински сообраќаен хаос низ многу европски земји, токму во деновите кога граѓаните масовно се враќаат на работа по божиќните и новогодишните празници.
Колапс на аеродромите и железниците
Најтешка е состојбата во Холандија, каде на амстердамскиот аеродром „Схипхол“ се откажани околу 450 летови. Целосно е во прекин и железничкиот сообраќај во Амстердам и регионот Утрехт, а слични проблеми со возовите се пријавени и во Полска. Во Шведска, аеродромот во Стокхолм исто така се соочува со откажани летови, додека во вечерните часови се очекуваат нови снежни врнежи.
Who got stranded in #Amsterdam Airport due to the snow ❄️ #KLM #chaos #Travel $AMP $LTC $ANVL $BTC $ZEC pic.twitter.com/f4iz2Cy7OR
— Cryptobolics (@cryptobolics) January 5, 2026
Екстремен студ: -30,6 степени во Чешка
Европа се соочува со леден бран кој донесе рекордни ниски температури. Во Чешка, на границата со Германија, измерени се неверојатни -30,6 Целзиусови степени. Поради лизгавите патишта, особено во планинските предели, регистрирани се бројни сообраќајни несреќи. Во Австрија е издадено предупредување за западот на земјата, каде се очекува температурите да се спуштат до -17 степени.
❄️ Paris est désormais sous la neige. Elle blanchit peu à peu la capitale sous une température qui affiche -1°C à 15h30. (© Laurence Prudhomme Vaxelaire) pic.twitter.com/P25sNLR7p9
— Météo Express (@MeteoExpress) January 5, 2026
Затворени училишта и отсечени села
Во Велика Британија, поточно во Шкотска, стотици училишта останаа затворени поради невремето, а во поголем дел од земјата е на сила жолт аларм поради обилни снежни врнежи.
Слично е и во Франција, додека на Балканот најпогодени се Босна и Херцеговина и Романија. Во романскиот регион Трансилванија, неколку села се целосно изолирани откако снегот ги прекри сите пристапни патишта.
pic.twitter.com/ZHbo6kKUVV
— Triple Seven (@TripppleSeven7) January 4, 2026