Силното невреме што попладнево го зафати Скопје предизвика проблеми во сообраќајот во повеќе делови од градот.
Поради последиците од невремето, не работат семафорите кај Цементара на булевар „Србија“ и исто така сообраќајот на оваа делница е целосно затворен.
На терен се очекува интервенција на надлежните служби, кои работат на отстранување на последиците и нормализирање на сообраќајот.
Од надлежните се апелира до возачите да ја избегнуваат оваа делница, да користат алтернативни правци и да бидат особено внимателни поради временските услови и можните дополнителни застои.