По неколку топли денови, следува период со нестабилно време и чести промени. Управата за хидрометеоролошки работи (УХМР) најавува дека до петок земјава ќе биде под влијание на влажни и нестабилни воздушни маси кои ќе донесат пороен дожд, грмежи и локални невремиња.
Според прогнозата, времето ќе биде променливо облачно, а на места ќе има нестабилност проследена со пообилни врнежи, силен ветер и изолирана појава на град. Во петок се очекуваат пообилни дождови, а поради продор на постудена воздушна маса од север, температурите значително ќе се намалат.
Нестабилно ќе биде и во Скопје. До крајот на неделата се очекува променливо облачно време со повремени врнежи од дожд и грмежи. Локално во скопската котлина се можни поинтензивни процеси со пороен дожд, засилен ветер и краткотрајно невреме.
Од УХМР предупредуваат граѓаните на внимателност во случај на електрични празнења. Се препорачува избегнување престој на отворен простор и засолнување под осамени дрвја за време на грмотевици.
Надлежните апелираат граѓаните да ги следат временските прогнози и навремено да се информираат за можни локални непогоди.