Тројца лица се уапсени, а имот во вкупна вредност од над пет милиони евра е запленет во рамки на координирана полициска акција во повеќе европски земји против припадници на т.н. Балкански картел во Германија, со поддршка на Европол.
Истражувањето вклучувало органи за спроведување на законот од Австрија, Босна и Херцеговина, Хрватска, Германија и Србија. Европол соопшти дека криминалната ќелија била одговорна за транспорт на повеќе тони кокаин со потекло од Колумбија, користејќи различни методи за шверц на дрога низ Европа.
Покрај трговијата со дрога, ќелијата се занимавала и со перење пари преку различни компании и инвестиции во недвижен имот во повеќе земји, како внатре така и надвор од Европската Унија.
