Сер Алекс Фергусон, легендарен шкотски фудбалски тренер, ќе добие споменик пред стадионот „Питодри“.
Овој споменик ќе биде како признание за неговиот успех со екипата на Абердин во текот на 80-те години од минатиот век.
Фергусон го предводеше Абердин од 1978 до 1986 година, пред да се пресели на клупата на Манчестер Јунајтед.
Со Абердин освои три шампионски и четири куп титули во шкотскиот фудбал, а триумфираше и во Купот на победниците на куповите на УЕФА. Фергусон по преселбата во Манчестер освои со „црвените ѓаволи“ 38 трофеи.
„Воодушевен сум и почестен со ова признание. Во Абердин минав фантастичен и незаборавен дел од мојата тренерска кариера“, изјави 79-годишниот Фергусон за официјалниот сајт на Абердин.
