Директорот на ЦУК, Стојанче Ангелов на гостување во летното издание на „Клик Плус“ на ТВ21 зборуваше за регионалните центри на ЦУК. Тој кажа дека од 300 вработени во ЦУК, многу помалку се функционални.
„Партизацијата е сериозно навлезена во сите институции, и за тоа сите одбиваат јавно да зборуваат. Такви луѓе кои апсолутно немаат никаква врска со работата која ја работат, внесуваат повеќе штета од корист. Како некој да се вработи во ЦУК на пример, а нема никаква допирна точка со оваа работа. Во ЦУК имаме вработено 300 лица, но бројката на функционални лица е далеку помал“, изјави Ангелов.