Авион принудно слета во Турција по закана за бомба

Авионот на индиската авиокомпанија „Вистара ерлајнс“ со 247 патници принудно слета во турскиот град Ерзурум на истокот на земјата по анонимна дојава за бомба, јавува турската државна телевизија ТРТ Хабер.

Властите го евакуирале авионот и започнале потрага по експлозив, се наведува во соопштението. „Летот UK27 од Мумбај до Франкфурт (BOM-FRA) беше пренасочен кон Турција (Аеродром Ерзурум) од безбедносни причини и безбедно слета во 19:05 часот“, напиша Vistara Airlines на мрежата X.

„Воздушниот простор на Ерзурум е затворен за летови“, изјави гувернерот на Ерзурум Мусрафа Чифтчи за државната новинска агенција Анадолу, додавајќи дека експертите за отстранување експлозив го пребаруваат авионот.