Поранешниот градоначалник на Општина Центар, Саша Богдановиќ, очекува изборниот процес во Србија да заврши мирно и политичките актери да го почитуваат изборниот резултат.
Во гостувањето во „Ноќно студио“ на 4ТВ, Богдановиќ беше прашан за можното сценарио во кое Александар Вучиќ и неговата политичка опција би ги загубиле изборите.
Тој изрази очекување дека Вучиќ ќе остане на дадениот збор и ќе го признае евентуалниот пораз, како што најавил во својата изјава по гласањето.
„Најмногу од сè очекувам да биде мирно и да заврши. Сега останува да видиме кој ќе ја има таа разлика“, посочи Богдановиќ.
Според него, високата излезност и големата заинтересираност на граѓаните покажуваат дека изборите имаат особено значење за политичката иднина на Србија.