Серија дојави за поставени експлозивни направи повторно предизвика нарушувања во европскиот воздушен сообраќај, поради што повеќе авиони биле принудени да ги променат своите маршрути.
Европскиот комесар за одржлив транспорт и туризам, Апостолос Цицикостас, изјави дека засега нема доволно информации за да се утврди дали бомбените закани што утринава предизвикаа проблеми во авиосообраќајот се меѓусебно поврзани.
„Секоја закана насочена против цивили е неприфатлива“, порача Цицикостас преку социјалната мрежа Икс, нагласувајќи дека е прерано да се извлекуваат заклучоци за евентуална поврзаност меѓу инцидентите.
Според достапните информации, ова е третпат во текот на неделава дојави за бомби да предизвикаат нарушувања во европскиот авиосообраќај.
Последните закани довеле до пренасочување на неколку летови, особено на авиони што требало да полетаат од Италија, како и на летови кон Бугарија и Чешка.
Засега нема официјална потврда дека инцидентите се дел од координирана акција.