МЛАД брачен пар од Сараево сака да посвои новороденче кое беше спасено од урнатините во Сирија. Како што пишува Аваз, нивната редакција ја контактирала млад брачен пар без деца по шокантната вест за спасено новороденче од урнатините.
„Ве молиме, помогнете ни да дојдеме до ова дете и да му дадеме бескрајна љубов и утеха. Проширете ја веста за да се знае дека во Сараево има двајца млади луѓе кои моментално немаат свои деца и кои би сакале да го посвојат ова бебе и дајте му ја сета можна љубов на овој свет“, со плачлив глас му порача една жена од Сараево на тимот на Аваз.
Да потсетиме, во урнатините на куќа во Јандаирис, Сирија, место кое тешко го погоди катастрофален земјотрес, спасувачите пронајдоа живо новороденче кое со папочната врвца сè уште беше поврзано со неговата мајка, кое не преживеа. Девојчето е единственото преживеано семејство чии членови загинаа во уривање на четирикатница.
Во тоа село на границата со Турција, спасувачите ги извлекле телата на нејзиниот татко Абдула Млеихан, мајката Афра, трите сестри, братот и тетката.