Компанијата Брако, членка на групацијата Феро инвест, продолжува со извозот на повеќе модели на возилата за одржување на хигиена во урбани средини Грин машинс, овојпат во Обединетото Кралство, САД, Хрватска и Полска. За само два дена стручните лица во Брако подготвија и испорачаа вкупно 14 возила, од кои по 6 во Обединетото Кралство и САД и по едно во Полска и Хрватска.
Клиентите во Англија, во Калифорнија во САД и во двете други европски држави го збогатија и обновија возниот парк за одржување хигиена на надворешни површини со најпродаваниот електричен модел GM 500 ze и надградената верзија на GM 636 Stage V, која што претставува нова генерација на возила, со нови филтри за намалени издувни гасови. Во пратките се најдоа и неколку возила од моделите GM400ze i GM424TR. GM400 од оваа година е достапно во целосна електрична верзија и e одлично осмислено и опремено возило со рачно управување кое со сите свои позитивни перформанси го освојува пазарот, додека моделот GM 424 TR е едно од најопремените возила дизајнирано за работа во секакви временски услови.
Благодарејќи на професионалноста, ангажираноста и посветеноста на инжинерско-техничарскиот кадар, Брако продолжува со континуитетот на производството на високо квалитетните урбани возила за одржување на хигиена и продолжува со испораки на возилата кон клиентите во целиот свет.
Комерцијален текст