Красимир Каракачанов и Ангел Џамбаски кој е заменик претседател на ВМРО-БНД понудија оставки на партиските функции заедно со целото раководство.
Специјалниот пратеник за Бугарија на Владата, Владо Бучковски смета дека брзо ќе се пронајде заеднички јазик со евентуалната нова бугарска влада предводена од Петков и Василев.
ОВОЈ ПРИСТАП КОЈ ТОЈ ГО ПРОМОВИРА, ЗА ВОЉЈА НА ВИСТИНАТА Е ФОРСИРАН ОД МАКЕДОНСКА СТРАНА, ОД МОМЕНТОТ КОГА ЈАС СТАНАВ СПЕЦИЈАЛЕН ПРЕТСТАВНИК НА ВЛАДАТА. ЈА НАСЛЕДИВ ВЕЌЕ ПОДГОТВЕНАТА ПАТНА КАРТА КОЈА ЈА УСОГЛАСИВМЕ, И КАДЕ ШТО СЕ ОБИДУВАВМЕ ПРЕКУ АКТВНОСТИТЕ КОИ ШТО ГИ ПРАВЕШЕ НАШЕТО МИНИСТЕРСТВО ЗА НАДВОРЕШНИ РАБОТИ, ДА БИДЕМЕ МНОГУ ПОПРАГМАТИЧНИ И МНОГУ ПОПРОДУКТИВНИ. ОВДЕ, ЗАТОА ШТО ГОВОРИ И КИРИЛ ПЕТКОВ ДЕКА Е ОВА РАБОТЕН ПРОЦЕС И НЕ ЗНАЕ РАБОТНИТЕ ГРУПИ КОЛКУ БРЗО ЌЕ СЕ УСОГЛАСАТ, А ЈАС ЗНАМ ДЕКА ВЕЌЕ ИМАМЕ ДОКУМЕНТ КОЈ МОЖЕ ДА ОДГОВОРИ НА ОВИЕ БАРАЊА, МИСЛАМ ДЕКА БРЗО БИ НАШЛЕ ЗАЕДНИЧКИ ЈАЗИК, РЕЧЕ БУЧКОВСКИ.
Поранешниот министер за одбрана на Бугарија Каракачанов со своите провокативни изјави кон Македонија постојано предизвикуваше реакции. Но, партијата на Каракачанов не успеа во три избори во низа во 2021-ва, да се приближи до изборен праг и не обезбеди ниту еден пратеник по што целото раководство на ВМРО-БНД понуди оставки.
На изборите вчера партијата на Каракачанов освои помалку од 1 процент од гласовите. На претседателските избори, нивниот кандидат помина уште полошо и стигна до 0,46% од гласовите.
