Фин и многу ароматичен колач…
Потребно е:
за првиот слој:
- 200 г шеќер
- 150 мл вода
- 125 г маргарин
- 100 г печен сусам
- 200 г мелени бисквити
- 1 лажица мед
за вториот слој:
- 100 г чоколадо
- 3 лажици масло
за третиот слој:
- 200 г шеќер
- 100 мл вода
- 125 г маргарин
- 200 г печен мелен сусам
- 200 г мелени бисквити
за глазурата:
- 100 г чоколадо
- 3 лажици масло
Приготвување:
– Ставете го сусамот во еден сув сад на рингла и тивко, со постојано мешање, тостирајте го додека да добие светложолта боја. Оставете го да се излади.
– Од изладениот сусам земете 200 г и сомелете ги, а 100 г оставете несомелени.
– Во сув сад на рингла ставете 200 г шеќер и оставете да се растопи до светлокафена боја. Додадете 150 мл вода и варете на тивко додека да се растопи. Сега додадете го маргаринот и мешајте додека да се растопи. Тргнете го садот настрана и додадете 1 лажица мед, 100 г печен сусам и 200 г мелени бисквити.
– Топлата смеса ставете ја во калап (27х19 см) и убаво израмнете ја.
– Преминете на приготвување на вториот слој. Растопете го чоколадото со 3 лажици масло и оваа смеса прелијте ја над слојот во калапот. Оставете да се излади.
– Сега во друг сад на рингла ставете 200 г шеќер, 100 мл вода и варете додека да се растопи шеќерот. Додадете 125 г маргарин и мешајте додека да се растопи. Тргнете го садот од рингла и додадете 200 г мелен сусам и 200 г мелени бисквити. Убаво измешајте и оставете малку да се излади. Потоа ставете во калапот и израмнете.
– На крај истопете 100 г чоколадо со три лажици масло и со ова прелијте го колачот. Одозгора може да украсите по желба.
