Третиот понеделник во јануари со години се нарекува најдепресивен ден во годината.
Теоријата за „синиот понеделник“ е воспоставена во 2004 година од Клиф Арнал, велшки психолог кој предавал во вечерното училиште на образовниот центар на Универзитетот во Кардиф.
Самопрогласениот гуру зел предвид бројни фактори, меѓу кои временските услови, долгот, времето од Божиќ, како и мотивацијата.
„Тажен понеделник“ во основа е идејата на една маркетинг компанија која сакаше да ја зголеми продажбата на летните пакети. Арнал еднаш призна дека едноставно избрал датум кога од него било побарано да го пресмета најдепресивниот ден во годината.
„Прво ме замолија да смислам ден кој мислам дека е најдобар за да резервирам летен одмор.
„Кога почнав да размислувам за причините за резервирањето на одморот, потсетувајќи се на она што ми го кажаа илјадници луѓе за време на работа или работилници, овие фактори укажуваа дека третиот понеделник во јануари е особено депресивен“, објасни тој.
Наскоро, овој термин стана глобално популарен, до тој степен што некои психолози предупредуваат на неговото лошо влијание врз луѓето кои навистина се борат со депресија.
