Девет лица се повредени кога маж ги испрскал со киселина во кафуле во Бохум, на истокот на Германија.
Инцидентот се случил вчера во 15:25 часот, кога маж влегол во градината на кафулето и со киселина испрскал маж кој седел на маса, како и жена која седела со него и келнерка.
Напаѓачот заминал, но многу брзо бил уапсен недалеку од кафулето, пренесува „Си-Ен-Ен“.
Во акцијата биле повредени и четворица полицајци и двајца пожарникари кои дошле во контакт со киселината.
Засега не се знае кој бил мотивот на нападот, а човекот кој бил прв нападнат има, според информациите, многу тешки повреди, пренесува „Телеграф“.
