Синоќа на службената е-маил адреса ЈСП добиле известување дека е поставена бомба. Маил-от е забележан утрово и веднаш од сообраќај се повлечени сите автобуси на ЈСП.
На вработените не им е дозволено да дојдат до своите работни места до целосна проверка на просторот. Извори од лице место велат дека екипи на Министерството за внатрешни работи се веќе на терен.
Низ Скопје настана хаос, бидејќи граѓаните залудно чекаат на автобуските постојки, низ град возат само приватните линии кои покриваат малку линии.
Инаку пред два дена возачите и сервисерите се заканија дека ќе штрајкуваат поради неисплатени плати, а вчера градоначалниката на Град Скопје Данела Арсовска рече дека денеска автобусите ќе ги паркираат пред Влада, бидејќи тие не исплатиле пари за ученички превоз на ЈСП.