Вистинска драма се одвивала денеска во близина на езерото Матка, но за среќа, завршила без човечки жртви. Патничко моторно возило излетало од патот и завршило директно во водите на реката Треска.
Центарот за управување со кризи (ЦУК) и МВР ја потврдија несреќата, информирајќи дека акцијата за увид и извлекување е веќе завршена.
Се запрела водата од браната за да се изврши увид
Поради сериозноста на ситуацијата и потребата полициските екипи безбедно да пристапат до возилото во реката, ЦУК итно побарал интервенција од ХЕЦ „Матка“.
- Од браната било побарано намалување на испустот на водата.
- Ова овозможило полицијата непречено да изврши увид на лице место.
Биланс: Нема повредени
Најважната вест пристигна од СВР Скопје по извлекувањето на возилото:
„Според досегашните информации, во настанот нема повредени лица. Сите инволвирани се здрави, контактибилни и вон животна опасност“, соопштија надлежните.
Возилото е веќе извлечено од коритото на реката Треска, а полицијата ги утврдува причините за излетувањето.
