Неименувана патничка починала во авионот за време на летот за Доха, а и покрај напорите на кабинскиот екипаж била констатирана смрт на лице место.
Нејзиното безживотно тело било покриено со ќебе на седиштето каде поминала четири часа од патувањето додека не стигнале до целта. Патниците во авионот, Мичел Ринг и Џенифер Колин, ја опишаа сцената од авионот како „срцепарателна“.
„За жал, жената не можеше да се спаси, што беше доста трогателно за гледање. Отидоа да се обидат да ја преместат, ја ставија во инвалидска количка и се обидоа да ја внесат во бизнис класа. Но, таа беше прилично крупна дама и не можеа да ја однесат низ патеката“, објаснува Мичел.
Членовите на екипажот забележале дека има празни седишта од двете страни на местото каде што седел парот и ги замолиле да се движат за да направат простор за безживотното тело на жената. Телото на мртвата жена, покриено со ќебиња, било покрај Мичел и неговата сопруга четири часа додека не пристигнале во Доха.
За госпоѓата Колин, која нормално многу се плаши од секој лет со авион, тешкотијата била трауматична, пишува Мирор.
„Кога мојот сопруг се сврте и ми рече „мрдај, мрдај“, бев прилично шокирана и реков: „Дали ќе ја стават таму?“ – објаснува Џенифер.
Тврдат дека кабинскиот екипаж не им понудил да седнат на друго место иако во другите редови имало слободни места. Работата да биде уште полоша, кога слетале во Доха, морале да чекаат интервенција на полицијата и медицинските службеници, па дури потоа да се симнат.
„Не беше убаво. Тие имаат должност да се грижат за своите клиенти, требаше да не прашаат и да се уверат дека сме добро, дали ни треба поддршка или совет. Не знам како се чувствувам и би сакал да разговарам со некого за да се уверам дека сум добро“, објаснил Мичел.
Двојката која е од Мелбурн вели дека инцидентот им го расипал одморот од соништата во Венеција каде што моментално престојуваат и дека нервозата од летот за дома е зголемена.
