Две деца се убиени, а четири лица се ранети кога вооружени напаѓачи отвориле оган врз куќа во североисточниот дел на Порторико, соопшти денеска локалната полиција.
Осумгодишно момче и 13-годишно девојче загинаа во престрелка што се случи доцна во средата во градот Рио Гранде. Повредени се 12-годишно девојче, братот и сестрата на двајцата убиени, кои се хоспитализирани, како и тројца возрасни. Меѓу повредените има и мајка на три деца, соопшти полицијата.
„Други луѓе биле во домот за време на пукањето, вклучително и човекот обвинет за убиство во 2022 година, кој требаше да се појави на суд во петок“, рече полицискиот командант Шерон Руиз.
Таа додаде дека се уште не е јасно што ја предизвикало пукањето и дека истрагата е во тек. Засега никој не е уапсен.
