Македонија

Една година од почетокот на судењето за „Пулс“ – кои одговори ги чекаат родителите?

Една година од почетокот на судењето за „Пулс“ – кои одговори ги чекаат родителите?
ФОТО: Марио Андоновски / 4NEWS.mk

Утре, на 19 ноември, се навршува една година од почетокот на судењето за пожарот во дискотеката „Пулс“ во Кочани. Во пресрет на годишнината, вечерва во „Ноќно студио“ на 4ТВ гостуваат Александар Наунов, таткото на Надица Наунова, и Томче Стојанов, таткото на Андреј Стојанов.

Што дознаа семејствата од сведочењата за тоа како работел клубот и кој го контролирал? На вчерашното рочиште, Магдалена Јованова, ќерката на првообвинетиот, сведочеше дека при претходни посети ја користела задната врата на „Пулс“. Таа кажа дека ноќта на пожарот не била во клубот. Со Наунов и Стојанов ќе разговараме за тоа што слушнале од преживеаните за излезите таа ноќ и кои прашања за нив сè уште се отворени.

Во емисијата ќе стане збор и за барањето на семејствата за почести рочишта, за нивната јавна поддршка за обвинителите и за иницијативата „Патека на бесконечноста“ – меморијален парк во Кочани каде што посетителите ќе можат да се запознаат со животните приказни на загинатите.

Ноќно студио

Најнова епизода

Една година од почетокот на судењето за „Пулс“ – кои одговори ги чекаат родителите? | Ноќно студио

Сите епизоди →
Имате вест, приказна или проблем? Пишете ни